Լուսանկարների աղբյուրները
Street View-ի լուսանկարները ստեղծվում են Google-ի և մեր օգտատերերի կողմից:
Մեր բովանդակությունը
«Google Քարտեզներ» կամ «Street View» պատկերակը կամ անվանումը վկայում է այն մասին, որ տվյալ պատկերը Google-ն է ստեղծել: Պատկերներում առկա բոլոր դեմքերն ու համարանիշերը ավտոմատ կերպով քողարկվում են։
Օգտատերերի ստեղծած բովանդակությունը
Եթե բովանդակության հեղինակը օգտատեր է, լուսանկարի վրա տեղադրվում է նրա հաշվի անունով հղումը և, որոշ դեպքերում, պրոֆիլի նկարը:
Ինչպես է Google-ը ստեղծում Street View-ի լուսանկարները
Street View պատկերները մի ամբողջ ինժեներական խմբի ջանքերի արդյունք են: Թե ինչպես են մեր մասնագետները ստեղծում Street View պատկերները, կպատմենք ստորև:
-
ՔԱՅԼ 1
Նկարահանում
Ամեն ինչ սկսվում է նկարահանումից։ Որակյալ պատկերներ ստանալու համար մենք մանրազնին ուսումնասիրում և ընտրում ենք նկարահանման վայրը՝ հաշվի առնելով եղանակը, բնակչության խտությունը և մի շարք այլ գործոններ:
-
ՔԱՅԼ 2
Պատկերների տեղանշում
Պատկերները քարտեզի վրա ճիշտ տեղանշելու համար մենք օգտագործում ենք ավտոմեքենայի վրա ամրացված հատուկ տվիչների ազդանշանները, որոնք հավաքում են GPS արբանյակների տվյալներն ու չափում շարժման արագությունը և ուղղությունը: Ստացված տվյալներն օգնում են մեզ վերականգնել ավտոմեքենայի երթուղին և անհրաժեշտության դեպքում նույնիսկ փոխել պատկերների դիրքը և տեղանշումը:
-
ՔԱՅԼ 3
360° լուսանկարների ստեղծում
Բացերից խուսափելու համար հարակից ֆոտոխցիկները նկարահանում են վրադրվող պատկերներ, այնուհետև լուսանկարները միացվում են իրար և ստացվում է 360 աստիճան շառավղով պատկեր: Միացված լուսանկարները մշակվում են հատուկ ալգորիթմի միջոցով, որի արդյունքում կրկնվող հատվածները հեռացվում են, և համայնապատկերն ընդունում է վերջնական ու առանց ընդհատումների տեսք:
-
ՔԱՅԼ 4
360° լուսանկարների ստեղծման տեխնոլոգիան
Նկարահանող ավտոմեքենայի և շենքերի կամ այլ օբյեկտների միջև հեռավորությունը չափվում է մեքենայից դեպի օբյեկտներ արձակվող երեք լազերների միջոցով: Լազերային տվիչների ցուցանիշերի հիման վրա ստեղծվում է չափվող տարածքի եռաչափ մոդելը: Մեքենայի շարժման ընթացքում այս եռաչափ մոդելը օգնում է ստանալ շրջակայքի լավագույն համայնապատկերը:
-
ՔԱՅԼ 1
Նկարահանում
Ամեն ինչ սկսվում է նկարահանումից։ Որակյալ պատկերներ ստանալու համար մենք մանրազնին ուսումնասիրում և ընտրում ենք նկարահանման վայրը՝ հաշվի առնելով եղանակը, բնակչության խտությունը և մի շարք այլ գործոններ:
-
ՔԱՅԼ 2
Պատկերների տեղանշում
Պատկերները քարտեզի վրա ճիշտ տեղանշելու համար մենք օգտագործում ենք ավտոմեքենայի վրա ամրացված հատուկ տվիչների ազդանշանները, որոնք հավաքում են GPS արբանյակների տվյալներն ու չափում շարժման արագությունը և ուղղությունը: Ստացված տվյալներն օգնում են մեզ վերականգնել ավտոմեքենայի երթուղին և անհրաժեշտության դեպքում նույնիսկ փոխել պատկերների դիրքը և տեղանշումը:
-
ՔԱՅԼ 3
360° լուսանկարների ստեղծում
Բացերից խուսափելու համար հարակից ֆոտոխցիկները նկարահանում են վրադրվող պատկերներ, այնուհետև լուսանկարները միացվում են իրար և ստացվում է 360 աստիճան շառավղով պատկեր: Միացված լուսանկարները մշակվում են հատուկ ալգորիթմի միջոցով, որի արդյունքում կրկնվող հատվածները հեռացվում են, և համայնապատկերն ընդունում է վերջնական ու առանց ընդհատումների տեսք:
-
ՔԱՅԼ 4
360° լուսանկարների ստեղծման տեխնոլոգիան
Նկարահանող ավտոմեքենայի և շենքերի կամ այլ օբյեկտների միջև հեռավորությունը չափվում է մեքենայից դեպի օբյեկտներ արձակվող երեք լազերների միջոցով: Լազերային տվիչների ցուցանիշերի հիման վրա ստեղծվում է չափվող տարածքի եռաչափ մոդելը: Մեքենայի շարժման ընթացքում այս եռաչափ մոդելը օգնում է ստանալ շրջակայքի լավագույն համայնապատկերը:
Ուր ենք գնում
Մենք այցելում ենք տարբեր երկրներ Street View-ի մեքենայով և ստեղծում ենք լուսանկարներ, որոնք օգնում են պատկերացում կազմել այլ վայրերի մասին և բացահայտել աշխարհը: Աչքի անցկացրեք երկրների ցուցակը՝ իմանալու, թե որտեղ ենք մենք անցնում Trekker-ով այս պահին և ուր ենք գնում հաջորդիվ։
| Տարածաշրջան | Թաղամաս | Երբ |
|---|---|---|
| {[value.region]} | {[value.districts]} | {[value.datestart| date:'MM/yyyy']} - {[value.dateend| date:'MM/yyyy']} |
Եղանակային պայմաններից, ճանապարհային աշխատանքներից և այլ հանգամանքներից կախված՝ որոշ վայրեր մեր մեքենաների համար կարող են անհասանելի լինել, և ըստ այդմ կարող են փոփոխվել նկարահանումների ժամկետները։ Նաև ուշադրություն դարձրեք, որ երբեմն քաղաքը նշելով՝ նկատի ենք ունենում նաև մոտակա ավելի փոքր քաղաքներն ու գյուղերը։
Որտեղ ենք եղել
Քարտեզի վրա կապույտ գույնով նշված են այն վայրերը, որտեղ Street View-ն հասանելի է: Մեծացրեք քարտեզը՝ մանրամասներ տեսնելու համար, կամ գտեք անհրաժեշտ վայրը մեր կայքերում ու հավելվածներում։
Street View-ի համար նախատեսված սարքավորումները
Իմացեք, թե ինչ մեքենաներով ու սարքերով է զինված Street View-ն:
-
Street View-ի ավտոմեքենա
Մեր առաջին 360° լուսանկարները ստեղծվել են 2007 թվականին ԱՄՆ-ում: Այսօր մեր ցուցասրահում ներկայացված են համայնապատկերներ բոլոր յոթ մայրցամաքներից:
-
Street View Trekker
Trekker-ի շնորհիվ մենք նկարահանում ենք այնպիսի վայրերում, որոնք հասանելի չեն ավտոմեքենայի, հեծանիվի, սայլակի և ձյունագնացի համար: Դա թիկնապայուսակի տեսքով շարժական համակարգ է՝ 360° պատկերներ նկարահանելու համար: Այն բավականին փոքրածավալ է, ինչի շնորհիվ մենք կարողանում ենք լուսանկարել նույնիսկ ամենանեղ փոխոցներն ու վայրերը, որտեղ կարելի է գնալ միայն ոտքով: Ֆոտոխցիկի առաջին փորձարկումը կատարվեց Արիզոնա նահանգի Գրանդ Կանիոնի քարքարոտ ու անանցանելի ժայռերում:
-
Street View-ի սայլակ
Երբ Google-ի արվեստասեր աշխատակիցներն առաջարկեցին օգտագործել Street View-ի տեխնոլոգիաները՝ թանգարանների ներսում նկարահանումներ անցկացնելու համար, կարիք առաջացավ մշակել մի սարք, որը հեշտությամբ կանցներ դռներով ու քանդակների արանքով: Ֆոտոխցիկն ու բոլոր անհրաժեշտ սարքերը տեղավորվեցին փոքր սայլակի վրա, որն այժմ ոչ միայն թանգարաններում է օգտագործվում։ Օրինակ՝ սայլակի միջոցով մենք նկարահանել ենք Վաշինգտոնի Սպիտակ տունը և մի քանի մարզահրապարակներ:
-
Street View-ի ձյունագնաց
Մենք նաև մտածեցինք, որ լավ գաղափար կլինի ստեղծել Street View-ի ֆոտոխցիկներ՝ սարալանջեր լուսանկարելու համար: Պահանջվեց մի քանի հանգստյան օր, երկու-երեք ձյունագնաց, կպչուն ժապավեն և կոշտ սկավառակներ, որոնք ցրտից պաշտպանելու համար փաթաթել էինք լեռնադահուկային բաճկոնների մեջ։ Այժմ դահուկավորներն ու սնոուբորդիստները կարող են հետազոտել Ուիսթլեր-Բլեքքոմբի և մոտակայքի մյուս լեռնադահուկային հանգստավայրերի սարալանջերը:
-
Street View-ի եռանիվը
Նեղ փողոցներով քաղաքների համար մենք պետք է ընտրեինք փոխադրամիջոց, որի վրա հնարավոր կլիներ ամրացնել Trekker-ը: Մեր թիմը որոշեց, որ նեղլիկ արահետները կարելի է հաջողությամբ հաղթահարել ինդոնեզիական արտադրության Selis Robin մոտոցիկլով: Սա էլ Street View-ի եռանիվն է: Մեքենային ավելացվել է լրացուցիչ հենարան՝ ապահովելու Trekker-ի կայունությունը:
